Шоҳжаҳон Эргашев кейинги жангини қачон ўтказишини айтди, у трейдерлик бўйича саволларга ҳам изоҳ берди

"Машғулотларни давом эттиряпман. Тайёргарлик кўряпмиз. Январь ойининг охири ёки февраль ойи бошида жанг қиламиз", дея мухлисининг саволига Instagram саҳифасида жавоб қайтарди 33 ёшли боксчи. 

Шунингдек, IBF камари учун собиқ даъвогар боксчимиз мухлисларнинг трейдерлик борасидаги саволига қуйидагича жавоб берди: "Трейдерлик билан шунчаки бекорчи вақтимда шуғулланаман, боксчи ҳам фақат эрталабдан кечгача машғулот қилмайди. Ортиқча пул зиён қилмайди-ку!".

Маълумот учун, Фарғона вилоятида туғилган боксчимиз шу кунга қадар профессионал фаолияти давомида 26 та жанг ўтказиб, 24 та ғалаба (21 та KO) ва 2 мағлубият қайд этган. У сўнгги жангини 2024 йилнинг июль ойида америкалик Жулиан Смитга қарши ўтказиб, очколар ҳисобига кўра мағлуб бўлганди.