Шоҳжаҳон Эргашев "Sport" телеканали билан шартнома имзолади

Шоҳжаҳон Эргашев томонидан ташкил этилган «Shohjahon Promotions» компанияси ҳамда "Sport" телеканали ўртасида шартнома имзоланди. Бу ҳақида спортчи Инстаграм саҳифаси орқали хабар бермоқда. Шартномага кўра, промоутерлик компанияси томонидан уюштирилган барча жанг оқшомлари ушбу телеканал орқали трансляция қилинади. Шунингдек, ҳамкорлик шартларига кўра, Эргашев иштирокидаги жанглар ҳам "Sport TV" томонидан эфирга узатилади.

Маълумот учун, «Shohjahon Promotions» шу кунга қадар икки бор бокс кечаси ташкил этишга улгурди. Уларнинг биринчиси Тошкент, иккинчиси Қўқон шаҳрида бўлиб ўтди.