21 дек 11:09
Янгиликлар

Бокс/ММА

Шоҳжаҳон Эргашевнинг навбатдаги жанг санаси маълум, рақиб енгилмас боксчи!

Мағлубият нималигини билмай келаётган профессионал боксчимиз Шоҳжаҳон Эргашев ўзининг навбатдаги жанги қачон ва кимга қарши ўтказишини маълум қилди.

Сайтимиз учун берган интервьюсида Шоҳжаҳон 23 февраль куни рингга чиқишини айтди.

- Янги йил байрамини Ўзбекистонда ўтказиб, кейин Америкага жўнаб кетаман. Режага кўра, 23 февраль куни АҚШнинг Нью-Йорк шаҳрида рингга кўтариламан. Рақибим ўзим сингари мағлубият нималигини билмай келаётган Майкл Фокс бўлади. У фаолияти давомида ўтказган 19та жангининг барчасида ғалаба қозонган, - деди Эргашев бизга берган интервьюсида.

Эслатиб ўтамиз, Шоҳжаҳон Эргашев ўзининг ҳозирча сўнггиси бўлиб турган жангини 14 декабрь куни Россиянинг Краснодар шаҳрида аргентиналик Назарено Гастон Руизга қарши ўтказиб, рақибини жангнинг 18-сониясида нокаутга учратган эди.