Шоҳжаҳон Эргашевнинг вазнидаги Батир Жукембаев Қозоғистондаги бокс оқшомида жанг қилди

Унда супер енгил вазн тоифасида фаолият юритувчи қозоғистонлик чарм-қўлқоп устаси Батир Жукембаев Буюк Британия вакили Кейн Гарднер билан баҳс олиб борди.

10 раунд этиб белгиланган жанг тўлиқ давом этди. Якунда мезбон юрт вакили Батир Жукембаев очколар ҳисобига кўра ғалабани ўзиники қилди.

Беллашув WBA Continental Gold камари учун ўтказилди.

Бу 34 ёшли Жукембаевнинг проф фаолияти давомидаги 25-жанги эди. Бугунги баҳс орқали Батирнинг рекорди 24-1 кўринишига келди. У жангларининг катта қисмини Канадада ўтказиб келар эди.

Кейн Гарднер 29 ёшда. У 2023 йилда супер енгил вазн тоифасида WBC International камари учун жанг қилиб, мағлуб бўлган. Бугунги муваффақиятсизлик Кейн учун фаолиятидаги бешинчиси бўлди. Унинг ҳисобида 17 та ғалаба мавжуд.

Маълумот учун, супер енгил вазн тоифасида ўзбекистонлик проф боксчи Шоҳжаҳон Эргашев ҳам фаолият юритади. Ҳамюртимиз 2023 йилда мазкур вазндаги IBF камари учун жангда имкониятни бой берганди.