Шомуродов, Файзуллаев ва бошқалар. Бугун қайси легионерларимиз майдонга тушиши мумкин

Биз эса одатдагидек батафсил рўйхатни тақдим қиламиз.

Россия чемпионати, 23-тур

ЦСКА бугун "Факел» жамоасига қарши баҳс олиб боради. Учрашув баҳсда ўзбекистонлик футболчи Аббосбек Файзуллаев майдонга тушиш эҳтимоли юқори. Баҳс Тошкент вақти билан соат 16:00 да старт олади.

Эрон чемпионати, 22-тур

Бугун Эрон чемпионатида икки нафар ўзбекистонлик футболчилар тур учрашувларида майдонга тушиши мумкин. Остон Ўрунов жамоаси «Персеполис» бугун «Гол Гоҳар»га қарши майдонга тушса, Достон Турсунов жамоаси «Истиқлол Хузистон» «Пайкан» меҳмони бўлади. Ҳар икки баҳс ҳам бизнинг вақт билан соат 20:30 да старт олади.

Италия А Серияси, 31-тур

Терма жамоамиз сардори Элдор Шомуродов жамоаси бугун Италия А Сериясининг 31-турида майдонга тушади. Рақиб — «Аталанта». Учрашув Тошкент вақти билан соат 21:00 да бошланади.

Қозоғистон чемпионати, 4-тур

Бугун «Ордабаси» ҳам ўз тур учрашувида майдонга тушади. Чимкентликларнинг ушбу турдаги рақиби — «Турон» бўлади. Ушбу баҳсда терма жамоамиз аъзолигига номзод футболчилар Шаҳбоз Умаров, Жасур Яхшибоев «Ордабаси»га ёрдам беришга ҳаракат қилади. Учрашув соат 19:00 да бошланади.

БАА чемпионати, 18-тур

Азиз Ғаниев жамоаси «Шабаб Ал Аҳли« бугун чемпионатнинг навбатдаги турини уйда ўтказади. Рақиб «Ал Жазира» бўлади. Учрашув соат 23:00 да бошланади.