Шомуродов Туркиянинг қайси жамоаси билан музокара олиб боргани маълум

Туркиялик инсайдер Ягиз Сабунcуўғлининг ёзишича, ҳамюртимиз Туркиянинг “Истанбул Башакшеҳир“ клуби вакиллари билан музокара олиб борган. Туркия клуби ҳужумчини сотиб олишни режа қилган. Келаси ҳафтада музокараларнинг асосий босқичи бошланиши мумкин. Ўз навбатида “Рома“ ҳам Шомуродовни яхши нархга сотишга тайёр.

Эслатиб ўтамиз, Шомуродовнинг “Рома“ билан тузган шартномаси 2026 йилнинг ёзида якунланади. Ўзбекистон МТЖ аъзоси “Рома” сафидаги ўтган мавсумда 37 учрашувда майдонга тушган. Ушбу баҳсларда у 7 та гол ва 5 та голли узатма муаллифига айланган.