16 ноя 09:11
Янгиликлар

Бокс/ММА

Шон Брэди кетма-кет тўртта ғалабадан кейин илк бор мағлубиятга учради

Океан ортида давом этаётган UFC 322 турнири ўзининг қизғин палласига етиб келди.

Турнир асосий кардидаги учинчи жанг ҳам якунланди.

Ярим ўрта вазн тоифасида UFC рейтингида иккинчи ўринни эгаллаб турган Америка Қўшма Штатлари шарафини ҳимоя қилувчи Шон Брэди мусобақа доирасида саккизинчи ўриндаги эквадорлик Майкл Моралес билан баҳс олиб борди.

3 раундлик даъвогарлик жанги биринчи раунддаёқ муддатидан олдин якунига етди. Моралес Брэдини нокаутга учратди.

Шундай қилиб, Шон Брэди тўртта муваффақиятли чиқишдан сўнг илк бор мағлубиятга учради. Майкл Моралес эса фаолиятидаги 19-жангида 19-ғалабасини нишонлади.