09 мар 09:50
Янгиликлар

Бокс/ММА

Шон О'Мэлли қайтиш санаси ва рақибини маълум қилди

Америкалик аралаш яккакураш устаси, ўзининг антиқа соч турмаги билан танилган Шон O'Мэлли танаффусдан сўнг яна "қафас"га қайтмоқда.

У ўзининг навбатдаги жангини 7 май куни Финиксдаги UFC 274 турнири доирасида ўтказади. Шон супер енгил вазн тоифасида Педро Муньосга қарши жанг ўтказишни режалаштирмоқда. Педро рейтингда кучли ўнталикда бормоқда.

Бу ҳақда у ўз мухлисларига Тwitch платформасидаги жонли эфирида маълум қилди.

"Мен UFC 274 турнирида жанг қиламан. Ўйлайманки, рақибим Педро Муньос бўлади. Kўрамиз ҳаммаси қандай якун топар экан", - деган О'Мэлли.

27 ёшли Шон О'Мэлли сўнгги жангида Раулиан Пайвуни техник нокаутга учратди. Унинг ғалабали серияси учта жангдан иборат бўлиб турибди. У ҳозирда UFC рейтингида 12-ўринни эгаллаб турибди. 35 ёшли Педро эса кетма-кет иккита жангда Хосе Альдо ва Доминик Крузга ютқазиб қўйди.