Шон О`Мэлли танаффус олди: "Бир муддат кутиб тураман"

Америкалик аралаш яккакураш устаси Абу-Дабида Петр Ян ва Мераб Двалишвили ўртасидаги қарама-қаршилик қандай якунланишини кузатмоқчи, шундан сўнггина ўзининг навбатдаги қадамини белгилаб олади.

"Мен 24 октябргача бемалол кутиб тураман. Нималар бўлишини кўрмоқчиман. Ҳатто Петр Ян мағлуб бўлган тақдир ҳам, балки унга реванш таклиф қиларман", — деди UFC собиқ чемпиони ўз подкастининг навбатдаги сонида.

Аввалроқ, енгил вазн тоифасида Петр Ян ва Мераб Двалишвили ўртасидаги чемпионлик жанги (россиялик спортчи ўзига тегишли чемпионлик камарини ҳимоя қилади) 24 октябрга белгиланган UFC 333 турнирининг иккинчи асосий воқеаси (co main-event) сифатида расман эълон қилинган эди.

Шон О`Мэлли охирги марта октагонга жорий йилнинг июнь ойида чиққанди. Оқ уй яқинидаги турнирда у Эйманн Захабини иккинчи раунддаёқ техник нокаут эвазига мағлуб этган эди.