Шон Стрикленд Адесанья билан жанг учун шартларини маълум қилди

Олдинроқ елкасидан жароҳат олган Дрикус Дю Плесси жангда қатнаша олмаслигини маълум қилганидан кейин Адесанья рақибсиз қолганди.

"Музокаралар олиб боряпмиз. Якунда барчаси менга қанча пул тўланишига бориб тақалади. Сизларга бир савол беришимга ижозат берсангиз, биз ростдан ҳам Иззи ва Дрикуснинг жанги бўлишини истаяпмизми? Албатта, йўқ. Бу жанг бўлмайди. Сизлар менинг қандай жанг олиб боришимни кўришни истайсизми? Ғалаба қозона оламанми? Билмадим, аммо бу хитойликни бор кучим билан уришга ҳаракат қиламан.

Дрикусни зўр жангчи деб ўйламайман, Иззи уни мағлуб этади, аммо мен Дрикусни тушунаман. Дрикус, сенгача мен ҳам жанг олиб боргандим, барчасини яхши тушуниб турибман. Қачонки сен эндигина жанг қилган бўлсанг-у, энди сенга бутун дунёни учиб ўтиб, етти ҳафталик чақирувни қабул қилишга келганда йўқ деб жавоб бериш табиий ҳолат. 

"Балки, мен буни истамаётгандирман" дейиш ҳам мантиқан тўғридир. Аммо мен эркакман, қўрқоқ эмасман. Агарда тўлаш ниятингиз бўлса, менинг ҳам нархим бор. Пулингиз бўлса, тикинг, ҳозир ҳам у билан урушавераман. Дрикусдан фарқли равишда мен у каби ақлли эмасман. Менда барчаси максимал даражада оддий - тўланг, мен жанг қиламан!", - деди Стрикленд.

32 ёшли Шон сўнгги икки жангида ғалаба қозонди: биринчиси Нассурдин Имавов, иккинчиси Абусупьян Магомедов.