"Шон ютишига умид қиламан". Алекс Перейра Стриклендга маслаҳат берди

"Жангдан олдин мен унга бошқача қарардим. Аммо у октагонга чиққан заҳотиёқ унинг юзида бошқа инсонни кўрдим — у ҳақиқий жангчи. Кейинчалик бирга машғулот ўтказдик ва мен кўп нарсани ўргандим. У жуда тажрибали. Стрикленд доим олдинга ҳаракат қилади ва жеб зарбаларини ташлайди — бу унинг кучли қуроли.

Ҳамма билади, мен Шонни қўллаб-қувватлайман. У хотиржам бўлиши, олдинга ҳаракатни давом эттириши, тейкдаунлардан эҳтиёт бўлиши ва жеб ҳамда фронт-кикдан фойдаланиши керак. Мен бу жангни жуда интизорлик билан кутяпман ва у ғалаба қозонишига умид қиламан", — деди Перейра.