Шоссе йўналишидаги баҳслар якунланди, навбат трек дастурига

Унда иштирок этган Ўзбекистон терма жамоаси 2 та олтин, 4 та кумуш ва 3 та бронза, жами 9 та медалга сазовор бўлди. Ўзбекистон велосипед спорти федерациясининг маълум қилишича, ушбу натижа билан терма жамоамиз 27 давлат орасида учинчи ўринни эгаллади. Гарчи юртдошларимиз Париж-2024 Олимпиадасига тўғридан тўғри йўлланма берувчи йўналишларда шоҳсупага кўтарила олмаган бўлишсада, қимматли рейтинг очколарини ўз ҳисобларига ёздириб қўйишди. Мусобақада спортчиларимиз қуйидаги йўналишларда шоҳсупага кўтарилишди:

Олтин медаль:
Ольга Забелинская (индивидуал старт пойгаси, катталар)
Янина Кускова (индивидуал старт пойгаси, U-23)

Кумуш медаль:
Аралаш жамоавий пойга (катталар)
Аралаш жамоавий пойга (U-23)
Асал Ризаева (индивидуал старт пойгаси, U-20)
Янина Кускова (гуруҳ пойгаси, U-23)

Бронза медаль:
Аралаш жамоавий пойга (U-20)
Асал Ризаева (гуруҳ пойгаси, U-20)
Бегзод Раҳимбоев (гуруҳ пойгаси, U-23)

Терма жамоамиз айни пайтда Таиланддан Малайзияга етиб борди. Спортчиларимиз эндиликда 19 июнь кунига қадар трек йўналишида қитъа биринчилиги учун баҳс олиб боришади.