12 июн 18:47
Янгиликлар

Бокс/ММА

Шунчаки даҳшат! Фьюри ва Жошуанинг икки жанг учун тахминий гонорарлари маълум

Британиялик жаҳон чемпионлари - Тайсон Фьюри ва Энтони Жошуа ўртасида иккита чемпионлик жангининг ўтказилиши ҳақида хабар берган эдик.

WBC йўналиши чемпиони бўлиб турган Тайсон Фьюрининг промоутери Фрэнк Уоррен боксчиларнинг иккита жанг учун қанча гонорар ишлаб олиши мумкинлиги ҳақида гапирди.

"Боксчиларнинг ҳар бири биринчи жанг учун тахминан 60-70 млн доллардан ишлаб олишлари мумкин. 2021 йили ўтказиладиган реванш жангидаги гонорар эса икки баробар кўп бўлади. Лекин ҳали бу оғзаки гаплар, ҳаммаси шартномада акс этади", — дея Уорреннинг сўзларини келтирмоқда ESPN.

Энтони Жошуа айни пайтда WBA, IBF, WBO ва IBO чемпионлик камарлари соҳиби бўлиб турибди.