13 апр 16:14
Янгиликлар

Теннис

Shymkent Open. Абдураимова ярим финал учрашувини ўтказди

Қозоғистоннинг Шимкент шаҳрида теннис бўйича ITF тоифасига кирувчи турнир давом этмоқда.

Соврин жамғармаси 15 000 АҚШ долларини ташкил қилувчи ушбу мусобақанинг хотин-қиз теннисчилар ўртасидаги баҳсларида ҳамюртимиз Нигина Абдураимова ҳам муваффақиятли тарзда иштирок этаётганди.

Турнирнинг биринчи ракеткаси бўлган ҳамюртимиз аввалига қозоғистонлик Александра Гринчишинани мағлуб этди. Иккинчи босқичда россиялик Маргарита Лазаревадан 6:3, 6:1 ҳисобида устун келди. Чорак финалда беларуслик Анна Кубаревани енгди.

Финал чиптаси учун эса россиялик Варвара Флинкка қарши кортга чиқди. Ушбу баҳсда бироз кутилмаганда Абдураимова рақибасига осонлик билан 2:6, 2:6 ҳисобида имкониятни бой бериб, мусобақадаги иштирокини якунлади.