18 апр 08:17
Янгиликлар

Теннис

Shymkent Open. Ясмина ва Албина ғалаба билан бошлашди

Қозоғистоннинг Шимкент шаҳрида теннис бўйича “Фьючерс” туркумига кирувчи турнир давом этмоқда.

Соврин жамғармаси 15 000 АҚШ долларини ташкил қилувчи хотин-қиз теннисчилар ўртасидаги мусобақанинг асосий тўрида икки нафар ҳамюртимиз ҳам ўз маҳоратини намойиш этяпти. Уларнинг ҳар иккиси ҳам илк давра учрашувида ғалаба қозонишди.

Асосий тўрга имтиёзли йўлланма асосида қўйилган истеъдодли теннисчимиз Ясмина Каримжонова саралаш баҳслари ғолибаси испаниялик Бланка Пуиг Кабаллерони 7:6(4), 6:1 ҳисобида енгди. Бешинчи рақам остида таснифланган Албина Хабибулина эса беларуслик Ханна Сокалдан 3:6, 7:5, 6:0 ҳисобида устун келди.