“Silk Road Namangan II” халқаро турнири старт арафасида

Унда спортчиларимиз муҳим рейтинг очколарига эга чиқишганди. Эртадан 2 апрелга қадар Наманганда “Silk Road Namangan II” халқаро турнири бўлиб ўтади. Ушбу мусобақа ҳам аввалгиси сингари Наманган шаҳридаги “Велотрек” мажмуасида ўтказилади.  

Маълумот ўрнида шуни айтиш жоиз, халқаро мусобақа трек йўналишида ташкил этилади ҳамда ғолиб ва совриндор велоспортчиларга Париж-2024 Олимпия ўйинларига муҳим рейтинг очколари тақдим этилади. 

Турнирда велоспортчиларимиздан ташқари Россия, Беларусь, Гонконг ва Қозоғистондан келган 60 нафарга яқин моҳир спортчилар ўз имкониятларини синовдан ўтказишади. Миллий терма жамоамиз шарафини эса 60 нафар велотрекчимиз ҳимоя қилади.

Мусобақа дастури спринт, омниум, индивидуал ва жамоавий таъқиб этиш, медисон, очколар учун пойга, жамоавий спринт ва бошқаларни ўз ичига олади.