14 июн 10:29
Янгиликлар

Теннис

Симона Халеп Бирмингемда муваффақиятли старт олди

Британиянинг Бирмингем шаҳрида теннис бўйича майса қопламали мавсумнинг нуфузли турнирларидан бири бўлиб ўтмоқда.

Сайёрамизнинг 20-рақамли теннис маликаси Симона Халеп биринчи давра учрашувида WTA рейтингининг 116-поғонасидан жой олган украиналик Леся Цуренкони 6/1, 6/4 ҳисобида мағлуб этди.

Бир соату 19 дақиқа давом этган баҳсда руминиялик теннисчи 3 та эйс, 5 та брейкни амалга ошириб, 2 та қўшхатога йўл қўйди. Бу теннисчиларнинг ўзаро ўтказган тўққизинчи учрашуви эди - 9:0!

Энди Симона Бирмингем WTA 250 турнирининг чорак финал чиптаси учун британиялик Хэрриет Дартга қарши кортга чиқади.