Синхрон сузиш бўйича Осиё чемпионатини умумжамоа ҳисобида учинчи ўринда якунладик

Мусобақанинг сўнгги кунида Ўзбекистон терма жамоаси аъзолари биттадан олтин ва бронза медалларига эга чиқишди.

Олтин медални 209,9784 балл тўплаб, эркин дуетда ёрқин чиқиш намойиш этган Сабина Маҳмудова ва Хадича Аъзамовалар қўлга киритди.

Акробатика дастурида чиқиш қилган жамоамиз ҳакамлар томонидан жами 141,1051 балл тўплаб, термамиз ҳисобига бронза медалини тақдим этди.

Шу тариқа, терма жамоамиз 2 та олтин, 1 та кумуш ва 5 та бронза медали билан синхрон сузиш бўйича Осиё чемпионатини умумжамоа ҳисобида учинчи ўринда якунлади.