29 сен 10:29
Янгиликлар

Тадбирлар

Сирдарё вилоятида ҳам оммавий спорт тадбирлари ўтказилмоқда

Сирдарёнинг вилоятининг Гулистон, Янгиер ҳамда Ширин шаҳарларида “Соғлик учун 5000 қадам” шиори остида оммавий юриш тадбирлари ташкил этилди.

Сирдарё вилояти ҳокимлиги ва вилоят жисмоний тарбия ва спорт бошқармаси ҳамкорлигида пандемия даврида жамиятда соғлом турмуш тарзини шакллантириш, касалликларнинг олдини олиш, аҳоли кенг қатламларини, айниқса ёшларни жисмоний тарбия ва спорт билан шуғулланишга жалб этиш, оммавий спортнинг инсон ва оила ҳаётидаги муҳим аҳамиятини тарғиб этиш борасида кенг кўламли ишлар амалга оширилмоқда.

Ушбу оммавий тадбирларда мазкур ҳудудларда истиқомад қилувчи аҳолининг барча қатлами, кексалар ва нуронийлар, аёллар ва ёшлар белгилаб берилган масофани пиёда босиб ўтишди. Таъкидлаб ўтиш лозим ушбу ташкил этилган оммавий спорт тадбирида 2000га яқин аҳоли жалб этилди.