Сирдарёда аҳоли орасида оммавий соғломлаштирувчи машғулотлар ташкил этилди

Давлатимиз раҳбари Ш.Мирзиёев Сирдарё вилоятига ташрифи давомида, фаоллар билан ўтказилган учрашувда юртдошларимизни соғлом турмуш тарзига ўргатиш, уларни жисмоний тарбия ва спортга фаол жалб этиш, тўғри овқатланиш, аҳолида ортиқча вазн пайдо бўлиши натижасида қанд касаллиги, шунингдек, турли юқумли бўлган касалликларнинг келиб чиқишини олдини олиш мақсадида аҳоли орасида соғломлаштирувчи жисмоний машқларни кенг оммалаштириш ҳамда уларга қулай шароитлар яратишга алоҳида эътибор қаратиш зарурлиги, бу борада Оқoлтин тумани тажрибаси асосида аҳоли орасида соғлом турмуш тарзини оммалаштириш таклифини илгари сурган эдилар.

Мазкур вазифалар ижросини таъминлаш, шунингдек аҳоли ўртасида соғлом турмуш тарзини тарғиб қилиш мақсадида бугун эрта тонгдан Сирдарё вилоятининг Оқолтин, Ховос, Сирдарё, Сайхунобод, Мирзаобод, Боёвут туманлари ҳамда Гулистон ва Ширин шаҳарлари аҳолиси, жумладан, кексалар ва нуронийлар, хотин-қизлар, ёшлар, корхона-ташкилотларда фаолият юритаётган ходимлар ўртасида соғломлаштирувчи бадантарбия машғулотлари ҳамда «Соғлом ҳаёт учун 5000 қадам» шиори остида оммавий юриш спорт тадбирлари ташкил этилди.

Шуни алоҳида таъкидлаш лозим, аҳоли томонидан «Соғлом ҳаёт учун 5000 қадам» акцияси ижобий қабул қилиниб, иштирокчилар сафи тобора кенгайиб бормоқда. Хусусан бугунги эрталабки бадантарбия ва юриш спорт тадбирларида ҳам 15 мингга яқин аҳоли иштирок этди.