Сирдарёда ҳам оммавий спорт тадбирлари мунтазам ўтказиб келинмоқда

Жумладан, аҳолини соғлом турмуш тарзига ўргатиш, уларни жисмоний тарбия ва спортга фаол жалб этиш, тўғри овқатланиш, аҳолида ортиқча вазн пайдо бўлиши натижасида қанд касаллиги, шунингдек, турли юқумли бўлган касалликларнинг келиб чиқишини олдини олиш мақсадида аҳоли орасида соғломлаштирувчи жисмоний машқларни доимий ўтказиш ҳамда уларга қулай шароитлар яратишга алоҳида эътибор қаратиш мақсадида ташкил этилаётган эрталабки бадантарбия машғулотлари, «Соғлом ҳаёт учун 5000 қадам» шиори остидаги юриш марафонлари тобора оммалашиб бормоқда.

Хусусан, вилоятнинг Ширин ва Оқолтин туманларида аҳоли ўртасида бадантарбия ва «Соғлом ҳаёт учун 5000 қадам» шиори остидаги юриш спорт тадбирлари ташкил этилган бўлса, Гулистон шаҳри ҳамда Боёвут туманларида ёшлар ўртасида спортнинг футбол, волейбол, енгил атлетика турлари бўйича «Ёшлар» спартакиадаси мусобақалари бўлиб ўтди.

Мазкур спорт тадбирларига аҳолининг барча қатламлари жалб этилмоқда. Спорт тадбирлари якунида ғолиблар, совриндорлар ва фаол иштирокчилар ташкилотчилар томонидан муносиб рағбатлантириб борилмоқда.