03 сен 19:17
Янгиликлар
Сириль Ган Нганнудан учралган мағлубиятнинг асосий сабабини айтди
Шунингдек Ган фаолиятидаги илк мағлубият уни янада кучли қилгани ҳақида гапирди.
"Тажрибам ошди. Мен иштирок этган ҳар бир жангда ғалаба қозондим. Осон бўлгани учун эмас, балки яхши жангчи бўлганим учун. Мағлуб бўлгандан кейин сизда саволлар туғила бошлайди ва сиз унга жавоб топишингиз керак. Шундай қилиб, бу муваффақиятсизлик мени янада кучлироқ қилди" — деди Ган.
Сириль Ганнинг сўзларига кўра, у Тай Туйваса Нганнуга қарши курашни ўрганиб чиққани ва жанг стратегиясини шу асосда қуриши мумкинлигидан хавотирда эмаслигини айтди.
"Нганнуга мағлуб бўлганимдан сўнг бошқалар менга жанг режасини ишлаб чиқиши мумкин. Аммо, жангни кўриб чиқиб, қандай хатоларга йўл қўйганимни сўрасангиз, одатдагидек оёқ ҳаракатидан фойдаланмаганимни айтаман. Нганну жанг давомида мени икки-уч марта ҳайратда қолдирди. Шундай экан, Фрэнсис мени мағлуб қилиш йўлини кўрсатганидан хавотирда эмасман. Чунки менинг оёқ зарбаларим ҳар доимгидан ҳам яхши бўлади" — деди Сирил Ган.
Эслатиб ўтамиз, Сириль Ган яқиндагина Деррик Льюисни мағлуб қилиб, вақинчалик чемпионга айланганди. Франсис Нганну эса ушбу вазнда тўлақонли чемпион ҳисобланади.
Фикрлар