23 дек 12:02
Янгиликлар

Бокс/ММА

Скала WWЕ ва UFC`дан 80 млн доллар ишлади

Голливуд юлдузи, 53 ёшли афсонавий курашчи Дуэйн "Скала" Жонсон икки йил давомида WWЕ ва UFC`га эгалик қилувчи ТКО директорлар кенгашидаги ҳаққини олди.

У ТКО директорлар кенгашида ишлагани учун 80 миллион доллар ишлаб топди. Бу ҳақда Wrestling Observer журналисти ва кураш инсайдери Дэйв Мельтцер хабар берди.

Шу билан бирга, Мельтцернинг аниқлик киритишича, бу суммага машҳур курашчи World Wrestling Entertainment (WWЕ) шоусида ўз мерчини сотиш ва бошқа чиқишлари учун тўловлар бўйича шартномасига кўра оладиган пуллар кирмайди.

TKO Group Holdings - спорт ва спорт кўнгилочар соҳаларида фаолият юритувчи Америка компанияси бўлиб, WWE собиқ президенти Винc Макмэн ҳам унинг асосчиси ҳисобланади. Ҳозирда ТКО WWЕ ва UFC каби промоушенларга тегишли.