Скотт Кокер Немков - Андерсон реванш жанги ҳақида гапирди

"Жанг шундай тугагани ачинарли. Аввалига Вадимнинг кесилган жойи бунчалик чуқур, суягигача зарарланганини сезмай қолдим. Жанг тўхтатилгач сўрадим: "Нима бўлди? Жанг тугашига атиги 3-4 сония қолди". Менга улар жангни якунлай олишмаслигини, жуда жиддий зарарланишганини айтишди.

Ҳакамнинг қарори учун ҳеч бўлмаганда учта раунд тўлиқ ўтказилиши керак, деган қоида бор. Ҳозирча бизда мусобақа ғолиби йўқ. Умид қиламизки, икки жангчи ҳам 3-4 ой ичида тикланиб, йиғинга киришиб, жангга тайёр бўлганида реванш жангини ташкиллаштирамиз. Ёз фасли охирида", - деди Кокер жангдан сўнг матбуот анжуманида.