31 май 16:10
Янгиликлар

Бокс/ММА

Собиқ жаҳон чемпиони: "Менимча, Мэнни Турманни мағлуб этади"

Собиқ жаҳон чемпиони Крис Алгиери саккиз вазн тоифасида жаҳон чемпиони Мэнни Пакьяонинг бўлажак жанги ҳақида фикр билдирди.

Филиппинлик бокс афсонаси ярим ўрта вазнда WBA чемпиони Кит Турманга қарши рингга кўтарилади. Крис ушбу жангда Пакьяога мухлислик қилади.

"Тўғрисини айтганда, кутилаётган жангда Мэннининг имкониятларини юқори баҳолайман. Ҳозирги ёшига қарамай, у рингда жуда эркин ҳаракат қилади. Кучли боксчиларни бирин-кетин мағлуб этаётгани ҳам унинг бугунги спорт формаси қандай ҳолатда эканлигини кўрсатиб турибди.

Мен Мэннининг Матиссега қарши Малайзияда ўтказган жангини бевосита аренада томоша қилдим. У ортиқча қийинчиликка дуч келмади ва рақибини чиройли тарзда мағлуб этди. Унинг масофани катта тезликда қисқартира олиш қобилияти асосий қуроли бўлади", - деди Алгиери.