10 окт 07:32
Янгиликлар

Бокс/ММА

Собиқ UFC чемпионининг ўғли рестлерни калтаклагани учун 7 йилга қамалиши мумкин

UFC собиқ чемпиони Куинтон "Rampage" Жексоннинг ўғли Ража Жексонни қамоқ жазоси кутмоқда.

25 ёшли аралаш яккакураш жангчиси август ойида Калифорнияда бўлиб ўтган шоуда профессионал рестлер Сайко Стьюни калтаклаб, унга оғир тан жароҳати етказган. Бу ҳақда прокуратура идорасига таяниб, Los Angeles Times хабар берди.

Агар Ражу айбдор деб топилса, у 7 йилгача қамоқ жазоси олиши мумкин. Жексоннинг ўзи айбини тан олмаяпти.

Маълумот учун, Куинтон "Rampage" Жексоннинг ўғли Ража Жексон Knokx Pro Wrestling турнирида Сайко Стьюга аёвсиз зарба берган эди. Жанглардан бирида Ража рингга кўтарилиб, Смитни ушлаб олди, амплитуда ташлашни амалга оширди. Шундан сўнг унинг устига ўтириб олиб, юзига тахминан 20 та жавобсиз зарба берди. Полиция ушбу ҳодисани тергов қилмоқда.