17 май 14:43
Янгиликлар

Бокс/ММА

Собиқ UFC жангчиларининг бокс баҳсида Даррен Тилл ғалаба қозонди

Кеча оқшом Дерби (Буюк Британия) шаҳрида профессионал бокс турнири ўтказилди.

Misfits промоутерлик компанияси томонидан ташкил этилган турнирда яримоғир вазн тоифасида UFC чемпионлик камари учун собиқ даъвогар Даррен Тилл ўзининг профессионал боксдаги иккинчи жангида рингга кўтарилди.

Британиялик спортчига саккиз раундлик жангда ҳамюрти, собиқ UFC жангчиси Даррен Стюарт рақиблик қилди. Жанг давомида Тилл ватандошини нокдаун ҳолатига тушириб қўйди. Тўлиқ саккиз раунд давом этган баҳсда Даррен Тилл ҳакамларнинг якдил қарори билан - 77-74, 77-73, 77-74 ҳисобида ғалаба қозонди.