25 мар 13:35
Янгиликлар

Теннис

Соболенко Miami Open турниридаги иштирокини якунлади

АҚШнинг Майами шаҳрида ўтказилаётган нуфузли WTA турнири етакчи теннисчилар учун омадсиз давом этмоқда.

Сайёрамизнинг бешинчи рақамли теннис маликаси Арина Соболенко иккинчи давра учрашувида WTA рейтингида 70-поғонадан жой олиб турган руминиялик Ирина-Камели Бегуга 4/6, 4/6 ҳисобида ютқазиб қўйди.

Учрашув 101 дақиқа давом этди ва унда беларуслик 23 ёшли Соболенко 6 та, 31 яшар Бегу эса 2 та эйс зарбасини амалга оширган. Бу теннисчиларнинг ўзаро ўтказган илк учрашуви эди. Энди Ирина Miami Open турнирининг учинчи даврасида яна бир беларуслик теннисчи Александра Сосновичга қарши кортга чиқади.