07 мар 08:49
Янгиликлар

Теннис

София Кенин чемпионлик сари яқинлашди

Сайёрамизнинг бешинчи ракеткаси София Кенин Франциянинг Лион шаҳрида ўтказилаётган турнирнинг 1/2 финалига йўл олди.

Америкалик теннис маликаси чорак финал учрашувида рейтингнинг 130-поғонасидан жой олиб турган франциялик 23 ёшли Осеан Додинга қарши баҳс олиб борди. Кенин 110 дақиқа давом этган баҳс якунида рақибасини мағлуб этди - 6/1, 6/7(5), 6/2.

Учрашув давомида 21 ёшли София 11, Додин эса 13 та эйс зарбасини амалга оширган. Бу теннисчиларнинг ўзаро илк учрашуви эди. Энди Кенин Open 6 Sens турнирининг финал чиптаси учун бельгиялик Алисон ван Уйтванкка қарши кортга чиқади.