София Кенин Лионда бош соврин учун кортга чиқади

Мусобақанинг ярим финал учрашувларидан сўнг бош соврин учун кортга чиқадиган теннис маликалари номи маълум бўлди. Сайёрамизнинг бешинчи ракеткаси София Кенин 1/2 финалда рейтингнинг 62-поғонасидан жой олган бельгиялик Алисон ван Уйтванкни қийинчилик билан мағлубиятга учратди.

Уччала сет ҳам тай-брекка қадар давом этди ва якунда омад ҳамда ғалаба америкалик теннисчига кулиб боқди - 7/6(5), 6/7(2), 7/6(2). Драматик баҳс 2 соату 27 дақиқа давом этган. Алисон 22 та эйс зарбасини амалга оширди. Икки теннисчининг ўзаро учрашувларидан ҳисоб эса тенглашди - 2:2. Бугун Кенин бош соврин учун баҳсда германиялик Анна-Лена Фридзамга қарши кортга чиқади.