05 фев 09:54
Янгиликлар
Бокс/ММА
Соннен ўзбекистонлик спортчи қатнашадиган TUF 33 шоусида кимлар мураббий бўлишини очиқлади
47 ёшли UFC фахрийси Чейл Соннен The Ultimate Fighter 33 шоусининг янги мавсуми учун мураббийлар штабини тайинлади.
Унинг таркибидан машҳур мураббий Клейтон Хайрс, таниқли диетолог Майк Дольче, собиқ жангчилар Винни Магальяйнс ва Колби Ковингтон ўрин олган. Декабрь ойида Магальяёнснинг қуролли жиноят учун судга тортилаётгани хабар қилинган эди.
"Клейтон Хайрс бош мураббий бўлади. У менинг устозим. Клейтон ҳеч қачон менинг ёрдамчим бўлмайди. У бошлиқ бўлади. Менинг формамда "Team Clayton" деб ёзилган. Ёрдамчилар мен ва Стив Ковбойдан иборат бўлади. Майк Дольче одатдагидек қиладиган ишини бажаради, яъни бу йигитларга вазни, овқатланиши бўйича билимлари билан ёрдам беради.
Колби Ковингтонни ҳам оламан – Колби жангга киришади", деди Соннен.
Маълумот учун, TUF 33 шоусида ўзбекистонлик Фурқатбек Ёқубов ҳам қатнашади.
Ҳавола :
Манба : championat.com
Фикрлар