Сойиб Қурбонов ярим финалда, Матниёзова бронза учун курашади

Дунёнинг элликдан зиёд давлати вакиллари иштирокида ўтаётган мазкур мусобақанинг иккинчи кунида уч нафар дзюдочимиз татамига чиқиши кўзда тутилганди. Улардан -90 кг вазндаги Яҳё Имомов аввалига иорданиялик Иброҳим Халафни мағлуб этди. Лекин иккинчи босқичда россиялик Кирил Денисовга имкониятни бой бериб, мусобақадаги иштирокини якунлади.

-100 кг вазн тоифасидаи вакилимиз Сойиб Қурбонов эса ўз гуруҳида ғолибликни қўлга киритиб, ярим финалга етиб келди. Бир неча дақиқалардан сўнг у финал чиптаси учун германиялик Карл Ричард Фрейга қарши татамига чиқади. Турнирда иштирок этаётган ягона дзюдочи қизимиз Гулноза Матниёзова эса ўтиш турнирида словакиялик Анка Погачникни мағлуб этди. Бироздан сўнг у бронза медали учун баҳсда япониялик Карен Нун Ира билан баҳслашади.