29 апр 10:19
Янгиликлар

Гимнастика

Спорт гимнастикачиларимиз Жаҳон кубогида 2 та медаль қўлга киритишди

Миср пойтахти Қоҳира шаҳрида спорт гимнастикаси бўйича Жаҳон кубоги босқичи ниҳоясига етди.

Қувонарлиси, унда иштирок этган Ўзбекистон терма жамоаси 2 та бронза медалига сазовор бўлди. Ҳар икки медални йигитларимиз қўлга киритишди.

Абдулазиз Мирвалиев таяниб сакраш дастурида 14.116 балл билан бронза медали соҳибига айланган бўлса, параллель брусда 13.866 балл жамғарган икки карра Олимпия ўйинлари иштирокчиси Расулжон Абдурасулов ҳам кучли учликни якунлаб берди.