Спорт курашлари бўйича Ўзбекистон чемпионатида бир қанча россиялик спортчилар иштирок этиб, ғолиб ва совриндор бўлишмоқда

Қизиғи, Ўзбекистон чемпионатида юнон-рум ва эркин кураш беллашувлари доирасида бир қанча вазн тоифаларида россиялик спортчилар баҳсларда иштирок этишди ва ғолиб-совриндорлар қаторидан жой олишди. Улар мусобақада қай мақсадда иштирок этишаётгани ёки терма жамоага жалб қилиниши ҳақида ҳозирча хабарлар мавжуд эмас.

Юнон-рум кураши:

-130 кг:

Олтин: Рафаель Цицуашвили.

Эркин кураш:

-65 кг: 

Олтин: Алик Хадарцев.

-86 кг:

Олтин: Магомед Нуров

Бронза: Али Нуров.

-97 кг:

Олтин: Алихан Кцоев.

Спортчиларнинг барчаси Ўзбекистон чемпионатида Республика олимпия ва паралимпия спорт турларига тайёрлаш маркази номидан иштирок этишди. Уларнинг бир қанчаси таниқли бўлиб, Россия чемпионати совриндорлари ҳисобланишади.

Аввалроқ, юнон-рум кураши бўйича Ўзбекистон терма жамоасига Рустам Ассакалов, эркин кураш терма жамоамизга эса Олимпиада чемпиони Разамбек Жамаловнинг устози Муса Сайдулбаталов бош мураббий этиб тайинланган эди.