UZ

Сўнгги янгиликлар

21:14Ампутант футболчиларимизга Президент совғалари - автомобиллар топширилди (ФОТОГАЛЕРЕЯ) 0 19:41Ислам Махачев Волкановскига қарши жанг учун тайёргарликни бошлади 0 19:20ВИДЕО. Хамзат Чимаев ўзбек мураббийидан "стойка"да жанг қилиш сир-асрорларини ўрганмоқда 0 18:58Бьелса Урагвай термасини бошқариши мумкин 0 18:37Шоҳжаҳон Эргешев: "Охири шу жангни амалга оширамиз..." 0 18:15ATP "Йил сакраши"да ғолибни эълон қилди 0 17:52Шавкат Раҳмонов Хабибга мурожаат қилди 0 17:26“Манчестер Сити” Беллингем учун Грилишни сотиб юборади 0 17:03Боб Арум Эдди Хирнни ҳақиқий промоутер деб ҳисобламайди 0 16:41Шаҳрам Ғиёсов Шоҳжаҳон Эргашевнинг "вызови"га жавоб қайтарди + ФОТО 1 16:19Жасур Алижонов: "2023 йилда тўрт нафар жангчимиз ONE FC билан шартнома имзолайди" 0 15:48Куртуа Бельгия ЖЧдан чиқиб кетгани учун узр сўради 0 15:11"Ҳумо Арена" Ғофур Раҳимов ва Отабек Умаров, Фазлиддиннинг ғалабаси. "Lift" компанияси турниридан ФОТОГАЛЕРЕЯ 0 14:45Эдди Хирн нима Усик ва Фьюри ўртасидаги мутлақ чемпионлик жанги ташкил этилмаслигини айтди 0 13:16UFC Fight Night: Thompon vs Holland. Мусобақанинг тўлиқ карди билан танишинг 0

29 дек 08:17
Янгиликлар

Тадбирлар

Спорт мактабининг “энг яхшилар”и тақдирланди ФОТОГАЛЕРЕЯ

Теглар :  ХоразмУрганч
Якунланиб бораётган 2019 йил Хоразм вилояти жисмоний тарбия ва спорт бошқармаси тасарруфидаги Спорт ўйинлари ва енгил атлетикага ихтисослаштирилган болалар-ўсмирлар спорт мактаби жамоаси учун ҳам муваффақиятли келди.

Айни дамда ушбу спорт масканида спортнинг футбол, волейбол, баскетбол, қўл тўпи, енгил атлетика, стол тенниси, теннис, шахмат, чим устида хоккей ва бадминтон турлари фаолият юритмоқда. Уларда жами 1600 нафардан зиёд ёшлар ўзлари меҳр қўйган спорт турининг сир-асрорларини қунт билан ўрганишмоқда. 

Шуғулланувчиларнинг 523 нафарини қизлар ташкил этади. Мураббийлар сони 61 нафар. Бу ерда машғулотлар замонавий андозалар асосида, янги методикалардан фойдаланган ҳолда ўтказилаётгани, тез-тез мусобақалар уюштирилаётгани ёш спортчиларнинг қобилиятини юзага чиқаришда омил вазифасини ўтамоқда. Бунинг самараси, спорт мактаби вакиллари нафақат вилоят биринчилиги ва чемпионатларида, халқаро ва республика миқёсидаги нуфузли мусобақаларда ҳам ғолиб ва совриндорлар сафидан жой олишаётир.  

Таъбир жоиз бўлса, жорий йилда стол тенниси усталари Нодир Сатторов, Жавҳар Саидов, Камрон Маримов, Муниса Султонова, бадминтончилар Анвар Сотимбоев, Ғаффор Жабборов, Умид Ҳайитбоев, Қундуз Оллаберганова, Доногул Сотимбоева, енгил атлетикачилар Руслан Габидуллин, Бобур Каримбоев, Нурбек Аминбоев, теннисчи Барно Ҳусаинбекова сингари кўплаб тарбияланувчилар юқори кўрсаткичларга эришиб, спорт мактаби номини улуғлашди. Жамоавий ўйинлар - чим устида хоккей, футбол, баскетбол ва гандбол жамоалари аъзолари ҳам эътиборга молик натижаларга сазовор бўлишди.

Мазкур спорт даргоҳида ҳар йили янги йил байрами арафасида йил сарҳисобларига бағишлаб тантанали маросим ўтказиш анъанага айланган. Унда тарбияланувчилари энг яхши натижага эришган мураббий ва мутахассислар муносиб тақдирланади. Табиийки, бу гал ҳам бундан мустасно бўлмади.

Урганч шаҳридаги “Бек” ресторанида бўлиб ўтган байрам тадбирида Хоразм вилояти жисмоний тарбия ва спорт бошқармаси бошлиғи Шокир Мадаминов қатнашиб, спорт мактабининг жорий йилги фаолиятига юксак баҳо берди ва  маҳорат масканига 2020 йилда ҳам улкан ютуқлар тилади. 

Ўз навбатида спорт мактаби директори Жамоладдин Абдуллаев, директор ўринбосари Азамат Аржанов, методистлар Муродбек Бекчанов, Вали Султонов, Анвар Алимов, Амирбек Матқулиев, мураббийлар Олимбой Давлетов (футбол), Алишер Эримов (бадминтон), Шониёр Атаев (стол тенниси), Садоқат Қурбонова (волейбол), Сайёра Отажонова, Мансур Бобожонов (иккаласи гандбол), Темур Оллаберганов (баскетбол), Динора Собирова (чим устида хоккей), Бахтиёр Юсупов (енгил атлетика), Юсуфбой Содиқов (шахмат), Шерзод Бобожонов (баскетбол) ва бошқа ходимларларни бошқарманинг диплом ва совғалари билан тақдирлади.

Албатта, бу рағбат хоразмлик спортчиларни, уларнинг мураббийларини янги марралар сари етаклаши муқаррар.

Икром ХУДОЙБЕРГАНОВ, Урганч шаҳридан

Рейтинг:    

Фикрлар

< сўнгги янгиликларни кўриш

Olamsport ни Facebook да ўқиш
учун "Yoqdi"ни босинг