Спорт тўгараклари чемпионлик сари етаклайди

Шу боиски, спорт турлари бўйича халқаро мусобақаларда кўплаб ёшларимиз  чемпионликни тантана қилиб, Ватанимиз шаънини муносиб ҳимоя қилишмоқда. Ўзбекистон Республикаси Президентининг 2022 йил 23 декабрдаги "Гимнастика спорт турларини янада ривожлантириш чора-тадбирлари тўғрисида"ги ПҚ - 449 - сон қарори ҳам айни мазкур олимпия ўйинлари таркибидан ўрин олган гимнастика спорт турларининг ривожланиш истиқболини белгилаб берган, дейиш мумкин. 

Мазкур қарорда аҳоли ўртасида гимнастика спорт турлари (спорт гимнастикаси, бадиий гимнастика, трамполин, акробатика) оммавийлигини ошириш, ёшлар орасидан иқтидорли спортчиларни саралаб олиш тизимини такомиллаштириш, халқаро талаб ва стандартлар асосида профессионал спортчиларни тайёрлаш орқали миллий терма жамоаларимизнинг нуфузли мусобақаларда юқори натижаларга эришишини таъминлаш бош мақсад килиб кўрсатилган. 

Янгилик эмас, бугун олий таълим муассасаларида ёшларни халқаро стандартларга мос равишда таълим олишлари, жисмоний тарбия ва спорт билан ошно бўлишлари учун зарур шарт-шароитлар муҳайё қилинган. Хусусан, Чирчиқ давлат педагогика университетида ҳам талабаларимизнинг танлаган йўналишлари бўйича таҳсил олишлари борасида етарлича шароит ва имкониятлар яратиб берилган. 

Сўзимиз аввалида бежизга Давлатимиз раҳбари томонидан имзоланган "Гимнастика спорт турларини янада ривожлантириш чора-тадбирлари тўғрисида"ги қарори хусусида тўхталмадик. Ушбу қарор ижросини таъминлаш мақсадида Чирчиқ давлат педагогика университети “Жисмоний маданият” факультети қошида спорт гимнастикаси бўйича тўгараклар йўлга қўйилган. Ушбу тўгаракларда талабалар сони кўпчиликни ташкил этади. 

Спорт гимнастикаси тўгарагимизда турник, брусс ва акрабатика каби йўналишларда машғулотларга зўр берган Ойбек Маҳамаджонов, Худоёр Хамроев, Жаҳонгир Мажидов, Ойдин Маннапжонова, Азиза Жахбарова сингари талабалар университетлар ўртасида ўтказилаётган турли мусобақаларда иштирок этиб, муносиб натижаларини қўлга киритмоқда. 

Бундан ташқари  Ўзбекистон давлат жисмоний тарбия ва спорт университети, Чирчиқ шаҳар мактабгача ва мактаб таълими бўлимига қарашли умумий ўрта таълим мактаблари, мактабгача таълим муассасалари билан ҳакморлик алоқаларини йўлга қўйганмиз. Шунингдек, режамизда бор, яқин атрофдаги маҳаллаларда истиқомат қилувчи ўқувчиларни ҳам қизиқишларига қараб тўгаракларимизга жалб этиш ниятидамиз. 

Мақсадимиз жисмоний  тарбия  йўналишида таҳсил олаётган талабалиримиз ва маҳалла ёшларини гимнастика спорт турларига қизиқтириш орқали оммавийликка эришиш ҳамда катта спорт сари, чемпионлик сари, йўналтириш бўлади. 

Сардор АБДУРАҲИМОВ, Чирчиқ давлат педагогика университетининг "Жисмоний маданият назарияси" кафедраси ўқитувчиси