29 июл 16:55
Янгиликлар

Теннис

Стэн Вавринка Умагда 1/2 финалга чиқди

Дунёнинг 72-ракеткаси Стэн Вавринка Хорватиянинг Умаг шаҳрида ўтказилаётган ATP турнирининг ярим финал иштирокчисига айланди.

Швейцариялик тажрибали теннисчи 105 дақиқа давом этган 1/4 финалда рейтингнинг 59-поғонасида бораётган испаниялик Роберто Карбальес-Баэнани 6/4, 7/5 ҳисобларида мағлубиятга учратди. Теннисчиларнинг ўзаро иккинчи учрашувида ҳам Стэн ғалаба қозонди.

Вавринка 3 та эйс, 3 та брейк қайд этиб, 1 та қўшхатога йўл қўйди. Энди у финал йўлланмаси учун италиялик Лоренцо Сонегога қарши кортга чиқади.