Стэн Вавринка Умагдаги юришини давом эттиради

Дунёнинг 72-ракеткаси Стэн Вавринка иккинчи даврада ҳам ғалабага эришди. Швейцариялик теннисчи 88 дақиқа давом этган учрашувда ATP рейтингида 108-поғонадан жой олган аргентиналик Федерико Корияни енгди - 7/5, 6/1.

Бу теннисчиларнинг ўзаро ўтказган илк учрашуви эди. Вавринка 2, Кория 1 та эйс зарбасини амалга оширди. Қўшхатолар тескари кўринишда бўлди - 1 га 2. Стэн 5, Федерико 2 та брейкка эришди. 

Энди Вавринка 1/2 финал чиптаси учун Роберто Карбальес Баэнага қарши кортга чиқади. Испаниялик теннисчи иккинчи даврада япониялик Таро Даниэлдан 6/3, 6/1 ҳисобида устун келди.