05 апр 08:50
Янгиликлар
Бокс/ММА
Стерлинг Двалишвили - О’Мэлли реванш жанги ҳақида кинояли фикр билдирди
Собиқ UFC чемпиони, америкалик Алжамейн Стерлинг ҳозирги чемпион Мераб Двалишвили ҳамда Шон О’Мэлли ўртасидаги реванш анонсига киноя аралаш муносабат билдирди.
Жанг 7 июнь куни Ньюарк (Нью-Жерси, АҚШ) шаҳрида, UFC 316 турнири доирасида бўлиб ўтади. Уларнинг илк тўқнашуви 2024 йилнинг сентябрида ўтказилган ва унда грузиялик спортчи ҳакамларнинг якдил қарори билан ғалаба қозонганди.
"Ростини айтсам, UFC ўз бренди ва бизнеси учун энг мақбул йўлни танлайди. Илк жангдаги вазият туфайли реванш жангини дарҳол ўтказишни хоҳлардимми? Албатта.
Аммо мен бизнес моделини кўпчиликдан яхшироқ тушунаман ва О’Мэлли — Топ-5 даги рақибларни енгган муносиб йигит. Шунинг учун, у бу имкониятга сазовор, деб ўйлайман. Агар Мераб уни яна мағлуб этса нима бўлади? Трилогия ташкил этилса керак", - деб ёзди Стерлинг ўз ижтимоий тармоғида.
Ҳавола :
Манба : MMA Junkie
Фикрлар