10 июл 17:35
Янгиликлар

Бокс/ММА

Стивенсон Ломаченкони жангга чорлади

Теглар : Василий Ломаченко Шакур Стивенсон

Иккинчи ярименгил вазнда WBC ва WBO камарлари соҳиби Шакур Стивенсон учта вазнда собиқ чемпион Василий Ломаченкони жангга чорлади.

"Ломаченко иккимиз боксчилик IQ'си яхши бўлган ажойиб жангчилармиз. Бунга ишонаман. У ажойиб жангчи. Унинг оёқ ҳаракатлари яхши. Бу ташкил этилиши керак бўлган жанг.

Украинадаги вазият туфайли Ломаченконинг ҳолати қандайлигини билмайман, бироқ у билан жанг қилишимиз кераклигини ҳис қиляпман.

Ҳозир биз боксдаги энг яхши техникага эга икки жангчимиз. Техника ва тажриба жиҳатидан шундай даражада эканимизни ҳис қиляпман. Шундай экан, бу қачондир ташкил этилиши керак бўлган жанг", - дея Стивенсоннинг сўзларини келтиради Boxing Scene нашри.

Эслатиб ўтамиз, Шакур сўнгги бор 1 май куни, Оскар Валдезга қарши жанг қилган эди.

Стивенсоннинг навбатдаги жанги 24 сентябрь куни, Робсон Консейсанга қарши бўлиб ўтиши кутиляпти.