03 окт 08:19
Янгиликлар

Теннис

Султонов Алматидан Тошкентга 520 доллар билан қайтяпти

Қозоғистоннинг Алмати шаҳрида теннис бўйича соврин жамғармаси 50 000 АҚШ долларини ташкил қилувчи “Челленжер” турнири давом этмоқда.

Мусобақанинг саралаш баҳсларида кетма-кет ғалабага эришган истеъдодли теннисчимиз Ҳумоюн Султонов асосий тўрни илк даврасида мисрлик Муҳаммад Сафватга 2:6, 6:4, 6:7, тайбрекда 4:7 ҳисобида имкониятни бой берган эди.

Ҳамюртимиз Алмати “Челенжер” турниридаги бу иштироки учун 520 АҚШ доллари ҳамда 3 рейтинг очкосини қўлга киритди. Султонов жуфтлик баҳсларида иштирок этмайди. Энди у пойтахтимизга қайтиб, ҳафта сўнггида старт оладиган Тошкент “Челленжер” турнирига тайёргарлик кўради.