15 авг 10:17
Янгиликлар

Теннис

Султонов Иданья-а-Новадаги иштирокини бошлади

Португалиянинг Каштела-Бранка округи Иданья-а-Нова туманида теннис бўйича M25 тоифасига кирувчи турнир бўлиб ўтмоқда.

Мукофот жамғармаси 25 000 АҚШ долларини ташкил этувчи ушбу мусобақада ҳамюртимиз Ҳумоюн Султонов ҳам бош соврин учун баҳсларга киришди. Мамлакатимизнинг биринчи ракеткаси 2 соату 6 дақиқа давом этган 1/16 финал босқичида португалиялик Тиаго Сильвани 6/1, 3/6, 6/2 ҳисобида мағлубиятга учратди.

Таққослаш учун, Султонов ATP рейтингида 284, Сильва эса 1395-ўринни эгаллаб турибди. Турнирда биринчи рақам остида сараланган Ҳумоюн бугун 1/8 финалда австралиялик Этан Кукка қарши кортга чиқади. Учрашув бизнинг вақт билан соат 13:00да бошланади. Кук рейтингнинг 1495-поғонасидан жой олган.