31 май 08:15
Янгиликлар

Теннис

Султонов Куршумлия-Баняда 1/4 финалда ўйнайди

Сербиянинг Куршумлия-Баня шаҳрида теннис бўйича М15 тоифасига кирувчи турнир бўлиб ўтмоқда.

Мукофот жамғармаси 15 000 долларни ташкил этувчи ушбу мусобақада ҳамюртимиз Ҳумоюн Султонов ҳам иштирок этяпти. Турнирда биринчи рақам остида таснифланган теннисчимиз 1/8 финалда енгил ғалабани қўлга киритди. Султонов япониялик Ҳаято Мацуокони 6/1, 6/1 ҳисобида енгди.

Таққослаш учун, мамлакатимизнинг биринчи ракеткаси айни пайтда дунё рейтингида 328-ўринни эгаллаб турибди. Кунчиқар юрт вакили эса ATP рейтингининг 979-поғонасини банд этган. Бугун Ҳумоюн ярим финал чиптаси учун турнирнинг олтинчи ракеткаси Виктор Йовичга қарши кортга чиқади. Сербиялик бу теннисчи ATP рейтингида 774-ўриндан жой олган.