12 апр 14:33
Янгиликлар

Теннис

Султонов рейтингда ўзидан 224 поғона юқоридаги рақибни таслим этди

Бугун Хитойнинг Унинг шаҳрида "Челленжер" туркумига кирувчи, мукофот жамғармаси 63 000 долларни ташкил этувчи турнирнинг саралаш баҳслари старт олди.

Қувонарлиси, ҳамюртимиз Ҳумоюн Султонов мусобақадаги иштирокини ғалаба билан бошлаб олди. Мамлакатимизнинг иккинчи ракеткаси саралашнинг 1/2 финалида еттинчи рақам остида таснифланган япониялик Юки Мочизукини 6/3, 6/4 ҳисобида мағлубиятга учратди.

Таққослаш учун, Султонов ATP рейтингида 802, Мочизуки эса 578-ўринни эгаллаб турибди. Эллик олти дақиқа давом этган баҳсда Ҳумоюн 10, Юки 5 та эйс зарбасини амалга оширган. Қўшхатолар японияликда кўпроқ бўлди - 3 га 1. Бу теннисчиларнинг ўзаро ўтказган илк учрашуви бўлди. Султоновнинг саралаш финалидаги рақиби кечроқ маълум бўлади.