17 июн 15:22
Янгиликлар

Теннис

Султонов Венгрия турниридаги юришини бошлади

Венгриянинг Дьюла шаҳрида теннис бўйича M15 тоифасига кирувчи турнир бўлиб ўтмоқда.

Турнирда ҳамюртимиз Ҳумоюн Султонов ҳам ўз омадини синаб кўрмоқда. Мусобақада тўртинчи рақам остида таснифланган вакилимиз илк даврада германиялик Ноэль Ларвигни ортиқча қийинчиликсиз мағлубиятга учратди - 6/2, 6/0.

Таққослаш учун, Султонов ATP рейтингида 624, Ларвиг эса 1164-поғонадан жой олган. Ҳумоюн 2 та эйс зарбасини амалга ошириб, 2 та қўшхатога йўл қўйди. Бу теннисчиларнинг ўзаро ўтказган илк учрашуви бўлди.