17 окт 10:16
Янгиликлар

Футбол

Суперлига. Бугун 19-тур старт олади. АГМК Муборакда меҳмон

Бугун Coca Cola Суперлиганинг 19-туридан ўрин олган дастлабки ўйин бўлиб ўтади.

Охирги 4та турда 4 марта мағлуб бўлган "Машъал" ўз майдонида сўнгги 4та турда умуман ютқазмаган АГМКни қабул қилади. Бу жамоалар ҳозирга қадар Ўзбекистон чемпионатида 19 марта ўзаро ўйин ўтказишган. 9 марта "Машъал" ғолиб бўлган, 6 марта АГМК зафар қучган. Қолган 4та баҳсда дуранг қайд этилган.

Биринчи даврада Олмалиқда ўтган баҳсда мезбонлар 1:0 ҳисобида зафар қучишганди. АГМК ўз тарихида ҳеч қачон Муборакда ғалаба қозона олмаган: 2 та дуранг, 7 та мағлубият.

Бугунги ўйинда "Машъал" ҳимоячиси Самандар Шукуруллаев сариқ карточкалари 4 тага етгани боис майдонга туша олмайди. АГМКда Игорь Зонич ва Миржамол Қосимов бугунги баҳсда қатнашишмайди.