Суперлига. Бугун "Пахтакор" ОЧЛдан олдинги сўнгги ўйинни "Металлург"га қарши ўтказади

Чемпионатлар тарихида ушбу жамоалар ўзаро 47 бор тўқнаш келган. "Пахтакор" 39 учрашувда зафар қучган, "Металлург" ҳисобида 4 та ғалаба бор. Яна 4 учрашув дуранг билан тугаган. "Шерлар" 125 та гол уришган, бекободликлар эса 36та.

Бекободда ўтган учрашувларнинг 17 тасида "Шерлар" ғалаба қозонган, икки беллашув дуранг билан тугаган бўлса, 4 та тўқнашувда "Металлург" устун келган. "Металлург" ўз майдонидаги охирги 4 та ўйинда "Пахтакор"га 4 бор мағлуб бўлган.

Ўзаро ўйинларда энг кўп голни Игорь Сергеев урган - 9 та. Анвар Солиев ҳисобида 8, Сервер Жепаровда 6 тадан гол мавжуд. "Металлург"дан Дилмурод Каримов 6 голни ўз ҳисобига ёзиб қўйган. Руслан Вагапов ва Зоҳид Абдуллаев эса 3 тадан тўп киритган.

"Металлург" ва "Пахтакор" жамоалари ўртасидаги ўйин 8 сентябрь, сешанба куни соат 19:00да Бекободдаги "Металлург" стадионида бошланади.

Coca Cola Суперлига. 16-тур

8 сентябрь, сешанба

19:00 - МЕТАЛЛУРГ – ПАХТАКОР

Ҳакамлар: Рустам Лутфуллин, Маҳмуд Турдиев, Феруз Достонов, Достон Раҳмонов