22 мар 15:02
Янгиликлар
Сув спорти турлари
Сув полоси: Осиё чемпионатини ғалаба билан бошладик
Бугун Сингапурда сув полоси бўйича Осиё чемпионатига старт берилди.
Эътиборлиси, Ўзбекистон аёллар терма жамоаси мусобақани ғалаба билан бошлади.
Гуруҳ босқичидаги биринчи учрашувни вакилларимиз Таиланд терма жамоасига қарши ўтказишди. Учрашув кутилганидек, сўнгги сонияларга қадар муросасиз курашлар остида кечди ва унда аёллар терма жамоамизнинг 16:13 ҳисобида қўллари баланд келди.
23 март куни ўтказиладиган иккинчи турда ватерполчиларимиз Сингапур термаси билан куч синашадилар. Мезбонлар бугун бўлиб ўтган биринчи тур баҳсларида қозоғистонликларга қарши майдонга тушиб, 7:12 ҳисобида имкониятни бой беришди.
Бугун куннинг иккинчи ярмида эркаклар ўртасидаги мусобақага ҳам старт берилади. Биринчи турда терма жамоамиз Таиланд термасига қарши баҳс олиб боради.
Осиё чемпионати баҳслари 27 мартга қадар давом этади.
Ҳавола :
Манба : minsport.uz
Фикрлар