Свитолина деярли икки йиллик танаффусдан сўнг катта теннисга қайтди

Эътиборлиси, дунёнинг собиқ учинчи ракеткаси Элина Свитолина катта танаффусдан сўнг яна кортга қайтди. Украиналик 2022 йилнинг март ойида оналик бахтига муяссар бўлган эди. Айни пайтда у WTA рейтингига эга эмас. 

Турнир ташкилотчилари унга имтиёзли йўлланма тақдим этишди. Свитолина дунёнинг 47-ракеткаси, қозоғистонлик Юлия Путинцевага қарши кечган учрашувда 7/6(3), 2/6, 4/6 ҳисобида имкониятни бой бериб қўйди.

Икки соату 48 дақиқа давом этган баҳсда Свитолина 5, Путинцева 2 та эйс зарбасини амалга оширган. Теннисчиларнинг ўзаро учрашувларида эса ҳамон Элина олдинда бормоқда - 6:3. Энди Путинцева иккинчи даврада россиялик Екатерина Александровага қарши кортга чиқади.