«SW ва SW19. Вақт келди». Серена Уильямс «Уимблдон»да ўйнашини эълон қилди

«SW ва SW19. Вақт келди. 2022. Кўришгунча. Олға», - деб ёзган теннисчи ижтимоий тармоқда саҳифасига жойлаган майсали кортда олинган сурат остига.

SW19  - «Уимблдон» ўтказиладиган Бутун Англия майсазор тенниси ва крикет клубининг почта индекси, SW эса инглиз тилида теннисчининг исм-фамилясини бош ҳарфлари ҳисобланади.

Эслатиб ўтамиз, америкалик теннисчи ўзининг сўнгги учрашувини айнан «Уимблдон-2021»да ўтказган ва у ерда биринчи даврадаёқ мусобақа билан хайрлашганди. Ҳеч қандай очко берилмайдиган бу йилги турнирдан кейин у WТА рейтингидан чиқиб кетади.

Шу билан бирга, Уильямс ҳимояланган рейтингга кўра «Уимблдон 2022»да иштирок этолмайди, шунинг учун у ташкилотчиларнинг wild card'и туфайлигина турнирда иштирок этиши мумкин бўлади.